खा. धैर्यशील मोहिते पाटील यांच्या हस्ते फलटण येथे बांधकाम कामगारांना भांडी सेटचे वाटप.

सह्याद्री निर्भिड न्यूज 

फलटण/वैभव जगताप 

खा. धैर्यशील मोहिते पाटील यांच्या हस्ते फलटण येथे बांधकाम कामगारांना भांडी सेटचे वाटप.

दिनांक २ जुलै २०२५ रोजी, घरगुती बांधकाम क्षेत्रात काम करणाऱ्या कामगारांना घरेलू उपयोगासाठी भांडी सेट वाटप करण्यात आले. हा कार्यक्रम एक सामाजिक उपक्रम म्हणून आयोजित करण्यात आला होता.

या वितरण कार्यक्रमाचे उद्घाटन खासदार धैर्यशील मोहिते पाटील, श्रीमंत संजीव नाईक निंबाळकर, तसेच माजी आमदार दीपक चव्हाण यांच्या हस्ते संपन्न झाले.

कार्यक्रमादरम्यान, खासदार धैर्यशील मोहिते पाटील यांनी सांगितले की, "घरेलू बांधकाम कामगार हे समाजाचा अत्यंत महत्वाचा घटक असून, त्यांच्या कष्टाचे भान ठेवून अशा स्वरूपाची मदत दिली जात आहे. येणाऱ्या काळात इतर बांधकाम कामगारांनाही लवकरच अशीच मदत देण्यात येईल," असे ठाम आश्वासन त्यांनी दिले.

कार्यक्रमाला शांताराम कारंडे फलटण बांधकाम कामगार संघटना व मोठ्या प्रमाणात कामगार वर्गाने उपस्थिती लावली होती आणि त्यांनी दिलेल्या मदतीबद्दल समाधान व्यक्त केले.

अशा उपक्रमांमुळे समाजातील श्रमिक घटकांमध्ये विश्वास आणि आधार निर्माण होतो, आणि भविष्यातही असे कार्यक्रम नियमितपणे राबवले जावेत, अशी अपेक्षा व्यक्त होत आहे.